Sarkozy y Royal van disputar la presidencia de Francia na segunda vuelta

El conservador Nicolas Sarkozy y la socialista Ségolène Royal foron los candidatos más votaos na primer ronda de les elecciones Presidenciales franceses y van ser quien disputen la segunda ronda pol Elíseu, nuna elección que tien fecha acutada pal 6 de mayu. Al pieslle de les escueles electorales, les primeres estimaciones yá falaben del trunfu del conservador Sarkozy, que llograba'l 29,6% de los votos, mientres que la candidata socialista algamó'l 25,1%, too ello nuna día marcáu pola alta participación.

Fuera yá de la llucha pa la segunda vuelta, el centrista François Bayrou, que foi la gran sorpresa de la campaña, allegóse al 18,7% de los votos, mientres que l'ultraderechista Jean-Marie Le Pen namás alcontró'l sofitu del 11'5% de los votantes, mui lloñe de la so histórica segunda posición nes presidenciales del 2002, en que llegó a lluchar pol trunfu final na segunda vuelta.


Más información en Liberation, Le Monde, Le Figaro