Sánchez sal reelixíu presidente con 179 apoyos

Nun hebo sorpreses. Pedro Sánchez salió reelixíu como presidente del Gobiernu del Estáu esti xueves al rodiu les 13.15 hores na primer votación col apoyu de 179 diputaos, tolos de la Cámara a esceición de los del PP, VOX y UPN, y España va contar otra vuelta con un Executivu de coalición progresista, agora con Sumar.

Ensin astenciones, el resultáu final foi de 179 ‘sí’ por 171 ‘non’, superando en trés escaños la mayoría absoluta necesaria pa salir investíu na segunda xornada del Plenu d’Investidura. De nun ser asina, el sábadu’l socialista habría de contar con una mayoría simple pa ser presidente otros cuatro años.

El PSOE (121 diputoas) algamó l’apoyu de Sumar (31), ERC (7), Junts (7), EH Bildu (6), EAJ-PNV (5), BNG (1) y Coalición Canaria (1), única formación que camudó’l so votu con respeuto al Plenu d’Investidura fallíu del popular Alberto Núñez Feijóo. Por contra, opunxéronse’l propiu PP (137), VOX (33) y UPN (1).

Na semeya, Sánchez recibe l'aplausu de los sos compañeros y Yolanda Díaz, de Sumar, depués de que se conociera'l resultáu de la votación.