San Roque en Llanes celébrase con folk

En Llanes decidieron entamar un bon conciertu pa les sos fiestes de
San Roque, cuatro grupos de folk ente les que tan "Llan de Cubel" o
"Folkgando".

La nueche d'esti xueves día 15 podremos ver "Niundes" ,
grupu de Llanes con un soníu enforma asemeyáu al de los sos
vecinos de Ribesella "Corquiéu", tamién tarán
"Folkgando"
que vien de collechar mui bones crítiques nes sos actuaciones per
Francia, va ser interesante ver la evolución d'esta banda de folk-rock
liderada pol gaiteru Santi Caleya.

La nueche completase con dos bandes que son unos auténticos pesos
pesaos del folk asturianu,
"Tejedor",
que ya toquen en direuto dellos temes del so nuevu discu, qu'esperen grabar
esti otoñu; y "Llan de Cubel", que como ya vos
comentáramos, ye una de les poques oportunidaes que vamos tener pa velos
en direuto n'Asturies, namás que tienen una fecha más n'Asturies
pa esti branu. Los conciertos
empezarán a
les 23:30 nel recintu de la Bombilla de Llanes.

Nestes fiestes de Llanes tamién va haber un "Encuentro
Regional de gaiteros" el día 16, que llega a la cuarta
edición xuntando a delles bandes de gaites, y cola banda invitada
"Bagad Pagan" de Bretaña.

Contador Estadistiques