Samuel Sánchez acabó’l Giro ente los venti primeros

El ciclista asturianu del equipu Euskaltel Euskadi demostró'l bon momentu de forma nel que ta nesta temporada ciclista acabando'l Giro d'Italia nel puestu 17º de la clasificación xeneral, a 21 minutos y 55 segundos del ganador de la primetr gran preba de trés selmanes del calandariu internacional, l'italianu Paolo Savoldelli, compañeru de lance Armstrong y Chechu Rubiera nel Discovery Channel. Samuel Sánchez (Uviéu 1978) nun consiguió l'oxetivu que se marcare de conseguir un trunfu d'etapa, pero col so 17º puestu na xeneral, l'únicu asturianu participante nel Giro 2005 quedó per delantre de tolos sos teóricos xefes d'equipu nel Euskaltel Euskadi. La clasificación de Samuel na xeneral del Giro pudo ser entovía meyor de nun ser pola última etapa con final n'alto en Sestriere, onde'l corredor asturianu nun tuvo al mesmu nivel que nes otres etapes de montaña como la del durísimu Col di Tenda, perdiendo la so llucha particular con Unai Osa, del Ibanesto.com.