Salú notifica esti martes 6 contaxos más n'Asturies por COVID-19

Nes cifres oficiales de llunes contabiliza 5.

La Conseyería de Salú confirmó 6 casos nuevos de COVID-19, de los que 5 son contautos estrechos de positivos yá conocíos. En concreto, trés tán venceyaos con casos de la Comunidad de Madrid, la Región de Murcia y Lleón.

El sestu contaxáu, que nun se contabiliza nes cifres oficiales del llunes, ta siendo investigáu p'afitar el so venceyu epidemiolóxicu. Mentes, con respeuto a los dos positivos ente'l personal sanitariu del Hospital del Oriente confirmaos el domingu, llévense feches 400 pruebes PCR, toes negatives.

Una persona menos en planta

Siguen hospitalizaes 2 persones na UCI, mentes qu'agora hai 8 en planta depués de qu'un paciente pudiera tornar pa casa. El númberu de curaos queda en 2.124 tres 2 altes epidemiolóxiques confirmaes.