Salú incorpora a les cifres oficiales 19 positivos de marzu y primeros d'abril

Los númberos de contaxos siguen siendo baxos, siendo'l total acumuláu de 2.399.

La Conseyería de Salú incoporó ayeri 19 positivos de COVID-19 nos datos de la pandemia correspondientes al sábadu. Según esplicó, éstes salen de "una revisión de datos de llaboratoriu que permitió deteutar 19 casos non notificaos hasta agora y rexistraos ente marzu y la primera selmana d'abril".

Poro, en realidá na xornada hebo 1 positivu nuevu, que se suma a los 2 del xueves y d'ayeri, y l'únicu del vienres. Estos datos reflexen los pocos contaxos que se rexistren nesta fase de la desecalada, 14 díes depués de pasar la fase 0.

Dos xornaes ensin muertes

Tres enllazar dos xornaes ensin muertes, el xueves y el vienres, el sábadu tornaron a rexistrase perdes humanes. El sábadu hebo que llamentar una muerte y ayeri, otra, poniendo'l total en 309.

Mentes, anguaño hai 13 pacientes ingresaos na UCI y 42 en planta. El númberu de persones con alta epidemiolóxica asciende a 1.440.