Salas desplazóse a Uviéu pa defender l'emplegu na factoría de Danone

|
Manifestación Danone Salas Uviéu

De nun apaecer un comprador, la multinacional francesa d'orixe catalán va pesllar la fábrica.

Los trabayadores de Danone, que fixeron paru, familiares y vecinos de Salas desplazáronse ayeri n'Uviéu pa manifestase pol emplegu na factoría asturiana. Dellos centenares de persones desfilaron pel centru de la ciudá llueu d'una pancarta baxo'l lema 'No al cierre de Danone-Salas', firmada pola Asamblea de Trabayadores, que tien representación d'UXT y de CSI, y el Conceyu de Salas.

Ente les demandes concretes, que se caltengan los esfuercios p'atopar un comprador o que se respete'l puestu pa los que quieran treslladase a otres fábriques de la multinacional, amás d'actualizaciones salariales. En Salas trabayen anguaño 79 persones en Danone que, de nun apaecer soluciones, van vese afeutaos por un Espediente de Regulación d'Emplegu (ERE) d'estinción que va oficializar próximamente la empresa.

Contador Estadistiques