Sal alantre la propuesta de Somos Mieres cola astención del restu de grupos municipales

Pidía'l cumplimientu de la toponimia oficial.

La moción aprobóse con 2 votos a favor, los de Somos Mieres, y 19 astenciones: los 12 conceyales de IX, los 4 del PSOE y los 3 del PP. "Resultónos estraña la posición d'Izquierda Xunida, sobre manera la de Faustino Zapico, d'Izquierda Asturiana, más cuando se trata de cumplir la llexislación", afirmaron a Asturies.com dende Somos Mieres, formación que yá contaba "cola postura del PP y duldaba de la del PSOE". La candidatura de xunidá popular demanda la normalización de la toponimia tradicional del conceyu, oficial dende febreru del 2009 y ausente pese a ello anguaño na mayor parte de la documentación oficial del conceyu.