Sabugo, el parque d'El Muelle y la ría, salida nueva de CaleyAvilés

|
Paséu de la ría d'Avilés

Tercer visita guiada n'asturianu d'esta edición.

El vienres, primeru del mes de xunetu, va celebrase una salida nueva de l'actividá CaleyAvilés, qu'entama la Estaya de la Llingua d'Avilés. Nesta ocasión los asistentes van poder conocer la historia de los monumentos del barriu de Sabugo, el parque d'El Muelle y el paséu de la ría, siempre en llingua asturiana de la mano del guía oficial Denis Soria, siendo'l puntu d'alcuentru la plaza del Carbayo, frente a la ilesia, a les 19 hores.

La participación nesta actividá ye de baldre, anque llendanda a 25 persones, polo que ye necesario acutar plaza. La xente interesao pue facelo llamando al númberu de teléfonu 985.54.55.08 o unviando un corréu electrónicu a la direición mmachicadoc@aviles.es.

El restu de salíes programaes pa esti añu son al parque de Ferrera (6 d'agostu) y al cascu históricu (7 de setiembre). El llargor de cada visita ye d'hora y media, de manera aproximada.

Contador Estadistiques