Rusia da’l saltu al software llibre

El primer ministru rusu, Vladimir Putin, robló un plan pa la transición de les estructures de poder y los presupuestos federales de forma qu’en toa Rusia s’aprovechen les prestaciones del software llibre.

Según esi documentu, la introducción de GNU-Linux nel gobiernu va empezar nel segundu trimestre de 2012, y va significar el primer pasu d'una migración masiva de Linux y del software Open Source en tou tipu d'organismos públicos y de gobiernu.

El documentu definióse como “un plan de transición de les autoridaes federales y les instituciones con presupuestos federales nel usu de software llibre”, cubre'l periodu de 2011 a 2015 y sostién aprobar el plan axuntu pa la transición de los cuerpos federales executivos y les axencies del presupuestu pal usu del software llibre nos años de 2011 a 2015.

El documentu ta robláu por Putin y establez que la intención ye la d'utilizar de forma masiva software llibre nel gobiernu. Esti país yá realizó dellos intentos nel sector educativu, pero esto podría suponer una migración masiva de puestos de trabayu gubernamentales al sistema operativu GNU/Linux.