Ruiz de la Peña gana les primaries de Podemos

El candidatu apoyáu pola direición estatal superó en 181 votos a Olga Blanco nuna cita na que participaron un total de 1.995 inscritos.

Agora más que nunca Podemos, el nome de la candidatura liderada por Diego Ruiz de la Peña, ganó l'Asamblea Ciudadana Autonómica d'Asturies. L'historiador del arte salió escoyíu coordinador autonómicu de la formación y va contar con mayoría nel Conseyu Ciudadanu frente a Somos Mayoría Unidá y Futuru, el nome de la llista afín a la diputada Cova Tomé.

Ruiz de la Peña algamó 1.060 votos, un 53,13 por cientu del total, mentes que Blanco sumó 879, un 44,06 por cientu. Hebo 56 persones qu'optaron pol sufraxu en blanco.