Ruempe la moratoria eólica

De la que se concedieron les llicencies pa la instalación de los primeros seyes parques eólicos pa xeneración de corriente nel occidente asturianu, el Gobiernu asturianu, que recibiera cantidá de pidimientos pa montar parques nuevos, dio anuncia oficial de que diba haber una moratoria de dos años tres aquella primer tanda enantes de seguir dando de pasu más instalaciones d'esta triba a cuentu del impactu mediuambiental que podía tener una instalación masiva d'estos parques. Agora, col anunciu d'ayeri del director xeneral d'industria de que tan almitíos a trámite tres parques nuevos pa la parte d'Os Ozcos, esa moratoria ruempe dafechu. Los parques que quieren poner daríen un total de 100 mw de potencia, cuatro veces más que'l que yá ta foncionando en conceyu Tinéu, que necesita 37 molinos pa entregar 25mw y que llevantó una polémica curiosa nel conceyu de la que se fizoSobre l'impactu mediuambiental de los parques eólicos pues alcontrar abonda información nel web de la Coordinadora Estatal por un Allugamientu Racional de la Enerxía Eólica