Rubalcaba avisa de que Sortu “nun va inscribise” nel Rexistru “porque ye heredera de Batasuna”

El ministru d’Interior y vicepresidente primeru del Gobiernu del Estáu, Alfredo Pérez Rubalcaba, resaltó güei que la formación abertzale nueva Sortu “ye heredera de Batasuna”. Por ello, “nun va inscribise” nel Rexistu de Partíos Políticos.
 
El númberu dos del Executivu, que fixo este declaraciones tres el Conseyu de Ministros, añadió que'l so departamentu nun prevé acabar los 20 díes de plazu que tien p'acudir al Tribunal Supremu en demanda de que se declare a Sortu heredera de la ilegalizada Batasuna. Rubalcaba considera que’l conteníu de los informes policiales “van documentar con detalle" esta postura ante la Sala del 61 del altu tribunal, encargada d'aplicar la Llei de Partíos.
 
Sobre la postura del PP, el ministru d’Interior señaló que’l partíu na oposición quier "sacar músculu políticu" con esti asuntu. "Que se queden cola firmeza, yo quedaré cola llucha antiterrorista, que va mui bien", dixo.