Rubén Sánchez Antuña presenta ‘La metamorfosis de la caxa tonta’

L’Auditoriu de La Pola Siero acueye esti xueves la presentación del llibru ‘La metamorfosis de la caxa tonta’. Trátase d’un ensayu nel que so autor, Rubén Sánchez Antuña, analiza la historia de la televisión.
 
Dende les sos primeres emisiones hasta la llegada de la TDT, Sánchez Antuña fai un repás sobre la evolución de lo que de forma popular se denominó ‘la caxa tonta’, nomatu que l’autor reflexa nel títulu del llibru. Un llibru amenu qu’avera a los llectores los momentos más importantes de la historia d’ún de los inventos más influyentes del sieglu pasáu.
 
Sánchez Antuña, inxenieru de Telecomunicaciones, diplomáu n’Economía y posgráu d’ especialista n’Economía de les Telecomunicaciones, amás de divulgador del mundu de les nueves teunoloxíes y de la sociedá de la información, va presentar esti llibru nel Audiotoriu de La Pola Siero a partir de les 20 hores. Nel actu va tar acompañáu por Víctor García, vicerrector d’Informática y Comunicación de la Universidá d’Uviéu.