RPA repasa les vanguardies culturales asturianes por cuenta la Selmana de les Lletres

25 miniespacios van repasar les vanguardies culturales asturianes na RPA nesta XLII Selmana de les Lletres Asturianes, dedicaes al artista multidisciplinar Nel Amaro. Hasta’l vienres cinco boletinos informativos del día van dar pasu a estes pieces con guión de Xune Elipe.

“Va tratase non sólo la obra y vida del autor homenaxáu, sinón otros munchos aspectos de la cultura underground del nuestru país, como la lliteratura de xéneru, la creación musical alternativa, el mundu de los fancinos n'asturianu, el spoken word o la creación sonora d'autor”, espliquen dende Goxe Producciones. D’esta forma, RPA súmase a la celebración de la gran fiesta de la nuesa lliteratura.

Les pieces van emitise depués de los boletinos informativos de les 11, 13, 16, 17 y 18 hores, dando un gran pesu al de Quentuserrón. “Amaro ta consideráu un promotor y divulgador de les distintes vanguardies artístiques y culturales del país, con especial atención a lo underground o alternativo. La so obra, variada y mui orixinal, ye un bon exemplu de cómo la llingua asturiana foi incorporándose a ambientes artísticos de los qu'históricamente tuvo aisilada”, rescamplen.