Rodríguez Valdés pon una conferencia sobre la toponimia de Corvera

La charra del responsable de la Casa de la Llingua lleva'l nome de 'Toponimia de Corvera: historia y patrimoniu'.

El Club Popular de Cultura Llaranes entama esta actividá dientro de los II Encuentros de Arqueología 'Historia y Patrimonio del Alfoz de Gauzón' que se tán desendolcando dende'l día 8 nel Valey Centru Cultural de Castrillón. Na xornada de güei l'historiador Rafael Rodríguez Valdés va analizar la toponimia de Corvera como valor del so patrimoniu y de la so historia.

La conferencia va celebrase a les 19.30 hores nel centru cultural asitiáu en Piedrasblancas. La entrada a la mesma ye llibre.