Rodríguez Medina gana un Concursu de Cuentos pola Oficialidá domináu pola cuenca d’El Nalón

|
Pablo Rodríguez Medina nel XLI Día de les Lletres Asturianes

Trés plumes de la cuenca d’El Nalón, trés nomes bien conocíos, llevaron los primeros premios del XXIV Concursu de Cuentos pola Oficialidá del Asturianu qu’entama’l Conceyu de Bimenes. El ganador, per sesta vegada, foi Pablo Rodríguez Medina por ‘En brazos de naide’.

El xuráu, conformáu nesta ocasión por Xulio Vixil, Francisco ‘Paco’ Álvarez y José Ángel Gayol, merecedor de la edición pasada por 'Dalgunes posibilidaes de la domótica', decidió que’l cuentu del entreguín llevara l’actual, convirtiéndose asina nel escritor que más veces tuviera esti honor. 2002, 2003, 2007, 2010 y 2017 foron los años nel que l’agora académicu llevó’l concursu, valoráu nesta ocasión en 600 euros.

Pa La Felguera viaxó’l segundu premiu, de 450 euros, merecíu por Solinca Turbón pola historia ‘Enguedeyos y mentires”. Mentes, el terceru, de 300 euros, fíxolo a Sotrondio por ‘La muerte d’acebache’, firmáu por Gonzalo González Barreñada.

Nel selmanes próximes el Conceyu va dar anuncia de la fecha del actu d’entrega de los gallardones, nel que, como ye vezu, el ganador va facer una llectura pública del so cuentu.

Na semeya, Rodríguez Medina nel XLI Día de les Lletres Asturianes, nel añu 2020, cuando foi recibíu como académicu correspondiente pola ALLA.

Contador Estadistiques