Rodrigo Cuevas protagoniza la portada del númberu 12 de 'Friúz'

L'editorial de la revista qu'edita El Ronchel céntrase nel problema la despoblación.

La espublización trimestral n'asturianu qu'afonda na cultura de los conceyos de Villaviciosa, Cabranes y Colunga asoleyó en febreru'l númberu 12. Una entrevista de Xuan Pedrayes, coordinador de 'Friúz' xunto con Lluis Portal, a Rodrigo Cuevas ocupa la portada y les primeres páxines.

Completen los conteníos una referencia a María Teresa Villaverde 'Tuxa', escritora a la que se-y dedica esti añu la Selmana de les Lletres Asturianes aplazada recién a la seronda, y la continuación de la serie 'Artes de pesca en Llastres' xunto con dos notes y el rellatu 'Bâtard' de Jack London. Pue consultar el númberu 12 de 'Friúz' calcando nesti enllaz.