Rock y folk en Ciañu

Pa esti vienres día siete ta preparada en Ciañu una
nueche con cuatro grupos, que van dende'l rock hasta'l folk de
Lliberdón. Como vos deciamos, el llugar ye Ciañu, y l'entamu
sedrá sobre les 21:00 la nueche. Los grupos qu'actuarán son, La
Col.la Propinde, banda de la Pola L.lena que ta preparando la grabación
del so primer cd en solitariu, y depués los candasinos
Güerku,
banda de rock con un soníu que quier averase al estilu de los veteranos
"Dixebra". El folk llegará más tarde con
Lliberdón, una bona
oportunidá pa ver a esta banda con tantos años d'escenariu
enriba, y pa finar los Ciquitrinos que con Lliberdón prometen una
nueche de la lo más prestosa y movida. Si queréis ver más
actividaes pal próximu fin de selmana podéis dir a la nuestra
guia d'ociu.