Roberto González-Quevedo presenta n’Uviéu ‘La cultura asturiana’

Esti xueves, a les 20 hores, va tener llugar la presentación de la obra de Roberto García-Quevedo ‘La Cultura asturiana. Una introducción a l’antropoloxía d’Asturies’. El Club de Prensa Asturiana va acoyer l’actu.
 
Con esta obra nueva, Roberto González-Quevedo (Palacios del Sil, 1953), llicenciáu en Filosofía y doctor n’Antropoloxía, fai un percorríu per dellos temes relativos a la cultura asturiana, dalgunos nuevos y otros yá trataos nos sos trabayos anteriores. Les persones que s’averen al actu, amás de conocer de primer mano los detalles d’esti llibru, van poder disfrutar d’una mesa redonda na que tará, xunto al escritor miembru de l’Academia de la Llingua, José Ramón García del Castillo, direutor de CH Editorial. Nella va aldericase sobre la cultura asturiana y el so futuru.