Rivas pon una conferencia sobre la sidre

La Lliga Celta d'Asturies entama esta actividá na Biblioteca Pública Ramón Pérez de Ayala.

Baxo'l nome de 'La sidre: bébora asturiano, bébora ritual', David M. Rivas, autor del llibru 'La sidra, bebida ritual y símbolo', va falar a los presentes sobre esti productu tán de nueso y los sos aspeutos culturales. Va ser finalmente a les 19.30 hores, depués de que la organización tuviera que camudar la hora prevista nun primer momentu por cuestiones ayenes.

Esta conferencia encuádrase nel Programa Añal d’Actividaes de la Lliga Celta d’Asturies y ye la primera que se celebra n'Uviéu. Fernán Morán, presidente d'esti coleutivu, va encargase de la presentación del actu protagonizáu n'El Fontán pol profesor titular de l’Universidad Autónoma de Madrid y miembru de l’Academia de la Llingua Asturiana.