Rivas fala de la obra y heredá de Flórez Estrada na conferencia d'Ástura

El somedanu presidió la Xunta Xeneral, convertida en Xunta Suprema, que se declaró soberana'l 25 de mayu del 1808.

'Flórez Estrada, economista, patriota, revolucionariu y profesor n'Oxford' ye'l nome de la conferencia sobre cultura asturiana de febreru que tolos meses entama l'asociación Ástura nel Atenéu Obreru de Xixón. El so responsable va ser David M. Rivas, profesor xubiláu d'Estructura Económica na Universidad Autónoma de Madrid y miembru del Conseyu de Mediu Ambiente d’España, de la Unión Internacional pa la Conservación de la Naturaleza (UICN), de l'Academia de la Llingua Asturiana y del Club de Roma.

Nella, esplica, va falar "de la obra y heredá d'Álvaro Flórez Estrada, ún de los grandes teóricos de la economía del XIX, presidente d'una Asturies soberana, profesor d'Oxford y lliberal apegáu a la tradición del so país". L'actu va ser a les 19 hores d'esta tarde nel llar social del Atenéu na Escuela de Comerciu.