Río Narcea espárdese per Portugal

La multinacional minera canadiense Río Narcea Gold Mines nun dexa d'atropar recursos nuevos pela península. La compañía, que l'otru añu tuvo'l meyor resultáu de la historia gracies al récord de producción d'oru nes mines asturianes, entró nuna dinámica agresiva d'inversiones qu'entamó peles propies instalaciones asturianes, nes que se metió a afuracar pa facer mina baxo tierra xunta la esplotación n'abertal. Tres d'esto, Rio Narcea llegó a un alcuerdu cola multinacional finlandesa Outokumpu'l pa esplotar, y si pintaba bien, mercar más en p'alantre, les propiedaes auríferes d'esta en Galicia y Llión. El siguiente pasu foi esti mes, en que Río Narcea ta acabante de facese con dos faces nel sur de Portugal, de más de 900 km2 cauna de les que cuenta con sacar níquel, pa lo que van invertir 3 millones de dólares y yá tienen entamada una campaña aerea d'esploración magnética de los cásique 2.000 kilómetros cuadraos de suelu portugués que-y pertenecen.Curiosamente, la coyuntura internacional vien a favorecer los intereses de la multinacional minera, y ye que l'amenaza de guerra contra Irak ta tirando p'arriba, y muncho, del preciu de los valores tradicionales como l'oru, que ta nel valor más altu dende diba seyes años .