Richard Valdés

Tres l'abandonu de Benjamín Noval, que se recupera de les mancadures que llevó nuna cayida, y tres la páxara andaluza de Chechu Rubiera, que perdió trece minutos nuna xornada fatídica en Sierra Nevada, el tercer asturianu na Vuelta, Ricardo Valdés, tuvo tamién que despedise de la ronda española pela puerte d'atrás. Valdés, que taba cuayando una carrera pistonuda y diba ente los venticinco primeros de la xeneral, cayó de la bicicleta con tan mal aquello que rompió la pierna derecha y tuvieron qu'operalu ayeri del fémur.Ello ye que la carrera llega esti sábadu a Asturies con final d'etapa en Xixón pa depués xubir el domingu el célebre Altu de l'Angliru ensin que nengún corredor asturianu tenga yá opciones na xeneral. Namás queda aguardar que Chechu Rubiera se recupere y pueda cuayar una etapa curiosa'l domingu.