Ribeseya vive'l so festival de bandes de gaites

El Memorial Hugo y Puru axunta esti sábadu na villa a cinco formaciones, una d'elles irlandesa, y inclúi un conciertu.

El Grupu de Baille El Corveru va abrir el V Festival de Bandes de Gaites Villa de Ribeseya a les 12.30 hores con un taller de baille na Plaza Nueva. Nella, los participantes van poder deprender les dances d'Alea y Sardaya, y la Xiraldiya de Meluerda, nuna actividá de baldre.

Nel mesmu llugar, a les 18.30 hores, va celebrase l'actu central del certame con El Corveru, la Banda Gaites Llariegu, la Bandina de la Escuela de Música de Ribeseya, los irlandeses Newmarket Pipe Band y la Banda Gaites Ribeseya. Yá de nueche, a partir de les 22.30 hores, va celebrase un conciertu con Mur y Melandru.