Ribeseya celebra'l so certame sidreru

|
Cartelu Folixa la Sidre de Ribeseya 2017

La Folixa la Sidre de Ribeseya trai a la villa gastronomía, música y tradición.

Dende esta tarde y hasta'l domingu, Entaína Ribeseya presente una completísima muestra de la cultura asturiana, centrándose sobre manera na nuesa bébora nacional. Asina, el momentu más esperáu de la Folixa la Sidre de Ribeseya ye'l so III Concursu de Sidre Casero, na que van participar 34 llagares, 24 del conceyu y 10 de fuera.

Les semifinales del mesmu van celebrase'l sábadu, a les 12 y a les 16.30 hores, siendo'l xuráu los propios llagareros, mentes que la gran final, a la que van pasar 16 palos, ta prevista pal domingu al meudía na carpa instalada na Plaza Nueva. El ganador va llevar 250 euros, un troféu y productos pa ellaborar sidra, mentes que'l segundu va recibir 150 y el terceru, 100 euros, dambos tamién con troféu y material.

Dixebra, Corquiéu y Nueche en Danza

L'apartáu musical ye importante na Folixa la Sidre de Ribeseya, con delles actuaciones previstes. Güei va celebrase la Nueche Rock, a partir de les 22.30 hores, con Almatrampa y Dixebra, mentes que mañana va ser el turnu del folk con ¿Aú? y Corquiéu. El domingu, a les 21 hores, va entamase una Nueche en Danza con Cantaruxare.

El tornéu de bolos o les amueses de cocina son otres de les actividaes previstes por Entaína Ribeseya pa estes trés xornaes.

 

Contador Estadistiques