Rexístrase idéntica cantidá de contaxos que la oficial del llunes

Finó una muyer de 53 años esti martes.

Esti martes rexistróse la mesma cantidá de contaxos que'l llunes: 397. Si nun primer momentu esi día la Conseyería de Salú comunicó 398 casos, les cifres oficiales incorporaben finalmente ún menos.

La nota negativa de la xornada foi la muerte d'una muyer de 53 años. Ye la númberu 2.443 del andaciu.

Hai 255 pacientes ingresados con confirmación o sospecha de COVID-19, de los que 228 tán en planta, 15 menos que'l día anterior. Na UCI siguen 27 persones.

Na semeya, una alministrativa atiende al teléfonu 984.10.04.00 pa pidir cita pa la vacunación.