Repartu de puntos n’El Molinón

El Sporting empató a ún gol col Xerez nun partíu emocionante que decayó al final

El Sporting recibió ayeri la visita del líder de la categoria, el Xerez. Los de Ciriaco Cano entamaron el partíu afogando al rival y llevando'l pesu del xuegu, pero ello nun torgó que los visitantes marcaren na prime llegada al área asturiana que tuvieron. L'árbitrio anuló'l gol del Xerez al ver el llinier orsay. El Sporting consiguió entornar el marcador nel últimu minutu del primer tiempu nun remate de cabeza de Pablo Álvarez, que disvió lo xusto un saque de falta de Juan. Dambos xugadores foron lo más destacaos ayeri nún Sporting qu'engurrió nel segundu tiempu mientres que'l Xerez diba espurriendo llinies. El partíu entró nuna fase en que l'equipu andaluz mandaba nel campu mientres que'l Sporting intentaba'l xuegu a la contra ensin munchu xeitu. El Xerez dio un primer avisu con un balón que dio nel cuadru la portería de Roberto y a la fín tuvo premiu nuna xugada d'ataque que Camuñas y Rosado tresformaron nel gol del empate. L'afición nun entendió nesi intre que Cano sacare a Juan y pitó-y al entrenador, anque'l cambiu pidiéralu'l mesmu futbolista. Nin la entrada de Biagini por Calandria valió pa entornar la situación, y el partíu foi decayendo ensin que se crearen más ocasiones de peligru.