Regalamos dos entraes pa ver l'espectáculu de la Banda Gaites Llariegu güei en La Llaboral

Asturies.com en collaboración cola Banda de Gaites Llariegu regala dos entraes pal espectáculu "Llariegu 100% directu" que presenten güei nel Teatru de La Llaboral a partir de les 20'45h el Teatru de La Llaboral.

Esti trabayu que coincide col XV aniversariu de la formación de la banda saregana, va grabase en directu pa editase depués nun doble cedé y DVD. L'espectáculu ta compuestu por dellos estilos y époques musicales cola gaita con denominador común. Ente los músicos que se van xubir al escenariu pa collaborar nesta grabación ta l'acurdionista vascu Kepa Junkera, asina como los asturianos Dark la eMe, Héctor Braga, Santi Caleya, Manuel Durán, Jorge Cambareli, David Adeva, Alberto Rionda, Orestes Barbachán o Miguel Herrero. Amás van tocar tamién la Banda Gaites Noega, Spanta la Xente y baillar delles pareyes de baille tradicional.

Pa conseguir estes entraes tienes dos opciones:

- En Facebook: [ser seguidor de la páxina d'Asturies.com en Facebook] y facer un comentariu a la noticia con esto textu "Llariegu 100% directu, quiero dir"
- En Twitter: [ser seguidor del perfil d'Asturies.com en Twitter] y facer un tuit col textu "Llariegu 100% directu, quiero dir @asturies"

A les 19'00h daremos anuncia de les persones ganadores de les entraes, asina como onde les recoyer.