Recital poéticu en A Veiga

La tertulia poética de Xixón "Poegia" va entamar esti vienres un recital poéticu en gallego-asturianu. L'actu va entamar a les 20:30h nel salón d'actos de la Casa de Cultura de A Veiga, y nelli van participar los autores Xose Miguel Suarez Fernandez, Belen Rico Prieto, Fredo de Carbexe y Aurora Garcia Rivas, contándose amás col acompañamientu musical de la pianista Elena López Sampedro.

La tertulia cultural "Poegia" fundóse en Xixón nel añu 2002. Los sos miembros son los poetes Armando Vega Rodríguez, Aurora García Rivas, Manuel Martínez Fernández y Ricardo Candás Huerta, que se decidieron a llevar alantre la creación d'un grupu estable de xente esmolecío pola poesía dempués de conocese nun taller de poesía que punxere'l poeta Manuel Ángel Delgado Castro. D'entós p'acá la tertulia "Poegia" lleva organizaos bien de recitales y acciones rellacionaes cola poesía, munches vegaes collaborando con poetes qu'escriben n'asturianu o en gallego-asturianu, como'l festival de Poesía n'Asturianu y en Gallego-asturianu, que convoquen tolos años en Xixón.