Reblagu del paru

El paru n'Asturies dio otru reblagu nel mes de payares, un mes en que se dieron d'alta 1.152 persones más na llista de solicitantes de trabayu de les oficines públiques de colocación del país. El númberu total de xente apuntao a la llista'l paro ponse asina en 52.836 persones, en tantos per ciento, la xuba del mes foi del 2,21% lo que da una tasa total del 12,75%. Por estayes, los servicios y la construcción foi onde más se notó la destrucción d'emplegu, con 511 y 308 persones respectivamente.

Payares, mes que suel pintar mal pal trabayu, aporta siempre datos de xuba del paru, pero esti del 2.002 ye'l más fuerte dende'l 99, cuando'l paro espoxigó'l 2,27%.