Reacciones dientro de les dos corrientes d'Andecha Astur a la retirada de la candidatura d'Unidá

Dempués de que la Xunta Electoral anulare les candidatures presentaes por UNIDÁ por incompatibilidá del inxerimientu nes mesmes de les sigles d'Andecha Astur, que tamién se presentaben en solitario, les dos partes que compiten pol derechu al usu de la denominación Andecha Astur emitieron comunicaos de prensa en que valoraron la situación xenerada.

Los representantes d'Andecha Astur que presentaron candidatura dientro de les llistes d'Unidá manifestarin énte la decisión de la Xunta Electoral Provincial de Asturias de excluir las candidaturas de la coalición UNIDÁ, "basada en reconocer a Arturu Xosé Bermeyu García como secretariy xeneral d'Andecha Astur contra María Eulalia García Rubiera", que van recurrir la decisión, sorrayando que Bermeyu presentare la so dimisión ensin ser vueltu a escoyer, recordando que d'entós en p'alantre "l'empeñu creciente d'esta persona foi el de recuperar el so cargu con tar en minoría" afirmando que "pa llograr el so oxetivu recurrieron a métodos qu'orixinaron una querella criminal por falsificación de documentos". Por ello, dende esti sector d'AA qu'encabeza Germán Abad enfótense en que "finalmente fadrase xusticia y nin Izquierda Asturiana nin Los Verdes-Grupu Verde, pero tampoco la llexítima Andecha Astur, van ver anuláu el so su derechu a presentase".

Dende'l sector qu'encabeza Arturu Bermeyu emitióse una nota en que se manifiesta'l contentu pol determín de la Xunta Electoral, aclariando quello nun tien que ver "col fechu en sí de qu'esa coalición nun pueda presentase a les elleiciones, custión a la qu'Andecha Astur nin s'opuso nin s'opón, sinon porque acábase, d'una vegá, coles maniobres del garrapiellu militantes que, pasando perriba los estatutos, la llínia política y los órganos democráticos de decisión d'esta organización política, negociaren en nome d'Andecha Astur inxertase na nomada coalición". El comunicáu sorraya que "Arturu Xosé Bermeyu García ye'l Secretariu Xeneral llexítimu d'esta organización política de la que ostenta la máxima representación tanto interna como externamente" polo que la Xunta Electoral afita que "dengún representante llegal d'Andecha Astur robló alcuerdu dalgún pa qu'esta organización política formase parte d'Unidá". El sector que se presentó en solitario a les elecciones afirma que "nun sosprenden esti tipu d'actitúes, porque se repiten ca cuatru años, en tiempu d'elecciones, y respuenden a la desmidida ambición de delles persones qu'anteponen los sos intereses personales a los de la izquierda nacionaliega". La formación d'Arturu bermeyu anuncia nel comunicáu la presentación esti martes, 1 de mayu del so candidatu a la Presidencia d'Asturies na Estación de Tren de L'Humedal (Xixón) nun actu que va tener llugar a les 11'00 hores.