Rajoy presenta al so equipu de Gobiernu, marcáu pola continuidá

|
Ministros de Mariano Rajoy

Con seis cambios y nengún asturianu, como se prevía. Soraya Sáenz de Santamaría sigue como vicepresidenta y María Dolores de Cospedal garra la cartera de Defensa.

Siguen de la llexislatura anterior Rafael Catalá, en Xusticia; Cristóbal Montoro, en Facienda y Función Pública; María Fátima Báñez, n'Emplegu y Seguridá Social; Isabel García Tejerina, n'Agricultura, Alimentación y Mediu Ambiente; Luis de Guindos, n'Economía y Competitividá; y Íñigo Méndez de Vigo, n'Educación, Cultura y Deporte, qu'amás va facer la función de voceru. Sáenz de Santamaría, qu'ocupaba esi cargu, va llevar agora'l Ministeriu de la Presidencia y pa les Alministraciones Territoriales.

Les novedaes, amás de De Cospedal, son Dolors Montserrat, en Sanidá, Servicios Sociales y Igualdá; Alfonso Dastis, n'Asuntos Esteriores y Cooperación; Juan Ignacio Zoido, n'Interior; Íñigo de la Serna, en Fomentu; y Álvaro Nadal, n'Enerxía, Turismu y Axenda Dixital. En total son trece carteres, les mesmes que nel equipu de Gobiernu anterior de Mariano Rajoy.

Na primer filera, Catalá, Sáenz de Santamaría, Rajoy, Dastis y De Cospeda: na segunda, De la Serna, Montoro, Zoido y Méndez de Vigo; na tercera, De Guindos, Nadal, Báñez, García Tejerina y Montserrat.

Contador Estadistiques