Rafa R. Valdés pon una charra en Xixón sobre Matías Conde

|
Matías Conde

Exiliáu en México por mor de la Guerra Civil, el xixonés ye l'autor de 'Sol en los pomares'.

'Matías Conde: identidá, perda y sol nel exiliu' ye'l nome de la conferencia que va poner Rafael Rodríguez Valdés, responsable de la Casa de la Llingua de Corvera, mañana a les 19 hores nel salón d'actos de la Biblioteca Pública Xovellanos. Entamada pola Conseyería d'Educación y Cultura, nella va afondar na vida y obra del escritor nacíu en Xixón nel 1896 que morrió en México nel 1982.

Ellí, nel país norteamericanu, espublizó nel 1948 'Sol en los pomares', qu'axunta poemes populares de calter costumista, humorísticu o sentimental en llingua asturiana. Esta obra nun llegaría a Asturies hasta'l 1976, anque non completa al tar un poema nel qu’una muyer impedía entrar na so casa a una pareya de la Guardia Civil censuráu, reeditándola completa l'Academia de la Llingua Asturiana con una edición facsímil 40 años depués, nel 2016.

Contador Estadistiques