Rafa Lorenzo actúa en Cangas del Narcea

Con motivu de la VIII Sumana de las Ḷḷetras Asturianas qu'entama'l conceyu.

El cantautor Rafa Lorenzo va presentar nesti marcu'l so trabayu 'Cantar l@s cuarenta', pa lo que va tar acompañáu de Nati González, Yoli Alba, Carmen Lorenzo, Marcos Maoxu, Rafito Lorenzo ya Antón Barquero. Amás de temes d'esti discu, tamién va interpretar cantares del so repertoriu tradicional nesti conciertu que va tener llugar a les 20 hores nel Teatro Toreno.

Ésta ye una de les munches actividaes que se tán desendolcando estos díes nel conceyu con motivu de la VIII Sumana de las Ḷḷetras Asturianas. Asina, a les 20 hores nel auditoriu del Palaciu d'Oumaña, los cangueses tendrán la oportunidá de conocer más sobre la gaita asturiana de la mano de Juan Alfonso Fernández García, direutor del Muséu de la Gaita, que va poner la conferencia 'La formación del repertoriu tradicional de gaita asturiana'.