'Radio Marca León' va tornar la crónica del Burgos-Cultural al lleonés

|
El Plantío

Esti mediu súmase asina, na xornada previa, a la celebración del Día de la Llingua Materna.

La Cultural visita mañana, a les 16 hores, El Plantío p'averase al lideratu del grupu 1B de la Segunda División B –onde tán los equipos asturianos–, qu'ocupa precisamente'l Burgos CF. Un partíu que se va siguir con atención especial en Lleón al qu'un mediu llocal, 'Radio Marca León', va axuntar tamién un xestu pa cola llingua propia.

Asina a la crónica habitual de los choques de la Cultural en castellanu va sumase una torna na web al lleonés, de la que se va encargar Xairu López. Ye la manera d'esta radio de celebrar el Día de la Llingua Materna que se conmemora tolos 21 de febreru, nesta ocasión el domingu.

Na imaxe, El Plantío. Semeya obra de Sma1001 baxo llicencia CC BY-SA 4.0.

Contador Estadistiques