Quirós celebra'l so mercáu tradicional

L'Ayuntamientu de Quirós entama estos díes 28 y 29 d'abril el V Mercáu Quirosanu. La iniciativa, que tien el sofitu de la Conseyería d'Industria y Emplegu, la Conseyería de Cultura, Comunicación Social y Turismu, Entidaes Bancaries y Industriales y particulares de la comarca, cuenta cola participación de mediu centenar d'artesanos en disciplines como'l cueru, la cerámica, l'acebache, cesteiros, barru, madera o luthiers d'instrumentos tradicionales procedentes d'Asturies, Lleón o Galicia, asína como dellos puestos de gastronomía, lo más d'ello repostería y panadería, con fornu artesanal, xunto con un chigre tradicional.


A lo largo de tol fin de selmana, n'horariu de 11:00h a 23:00 van facese talleres pa la reciella y teatru de cai col grupu Amalgama, y va haber actuaciones del grupu de Gaites "Teixo - Manolo Quirós", escenes costumistes o paseos en carru'l país con gües pela zona. L'atracción grande va ser la del sábadu 28 a les 19:00h cola presencia del grupu asturianu "La Bandina'l Tombo.

El domingu 29 dende les 18:00h, el Club Deportivu 6 Conceyos va facer una exhibición de deportes rurales, incluyendo corta de troncos con hachu, carrera llechereso tiru cuerda, ente otres especialidaes, rematando'l programa a les 20:00h l'actuación del cantante Vicente Díaz