¿Quien tien más bombes atómiques?

Nestos meses en que ta cociendo la guerra contra Irak, llevamos sintiendo de seguío declaraciones afirmando que'l réxime de Saddam Hussein tien o tien con que facer bombes atómiques como escusa pa xustificar l'ataque. Llama l'atención que diga esto la potencia hexemónica nel armamentu nuclear como son los EUA, pero ye que tamién estos díes en Gran Bretaña, ún de los países más allegaos a la potencia americana y con más enclín guerreru, anden enredando con un material nuclear bien peligrosu. Dos barcos armaos salieron va delles selmanes dende'l Xapón cargaos de material radiactivo como pa facer 50 bombes atómiques con destín a la planta de la British Nuclear Fuel en Cumbria, unes instalaciones denunciaes delles veces por insegures. El peligrosísimu trayectu tuvo acompañáu pola protesta, que remató al pasu per Gales, onde aguardaba por ellos una flotina de barcos ente los que ta'l famosu Rainbow Warrior de Greenpeace. La historia entera d'esti cargamentu, que xubió pela costa portuguesa y pasó pel Cantábricu pa enfilar les islles, tiénesla entera nel web de la flota antinuclear

Contador Estadistiques