Que vien el llobu

N'época preelectoral paez que los llobos dañen más al ganao, sobremanera nel Parque Nacional de Picos d'Europa. El debate ta enplantasmáu ente la defensa'l llobu y la postura de los ganaderos al favor de desaniciar dafechu al animal, ensin que se tengan en cuenta otros factores, como les condiciones de trabayu de los ganaderos, la escasa dotación de los guardes, la presencia de perros asilvestraos o la falta d'otros animales de los que s'alimenta'l llobu. Amás d'ello, los ganaderos, que nun ven que se faiga nada al respective, hai veces que nin siquiera puen cobrar les indemnizaciones, pola dificultá al identificar los daños, cuando nun tarden seis meses en recibir el dineru. La picardía nesti asuntu tampoco ye nueva.Pa conocer más sobre esti asuntu, reproducimos esti artículu de Beatriz R. Viado pal selmanariu Les Noticies

Contador Estadistiques