Puigdemont cola a Bruxeles y diz que nun va tornar hasta que nun tenga "un xuiciu xustu"

L'ex presidente de Catalunya ta na capital belga con dellos miembros del so Gobiernu.

A lo llargo de la xornada d'ayeri, cuando se anunció la decisión de la Fiscalía de querellase contra les persones que conformaben l'Executivu catalán y la Mesa del Parlament, conocióse'l viaxe de Carles Puigdemont a Bruxeles, onde tien previsto permanecer ensin fecha de vuelta. El políticu catalán desplazóse en coche a Marselha, onde garró un avión.

Les primeres informaciones falaben de la intención de Puigdemont de pidir asilu políticu en Bélxica, pero nuna comparecencia énte la prensa confirmó que se desplazó a Bruxeles "por seguridá" y que nun va tornar a Catalunya hasta que nun tenga "un xuiciu xustu".

Al respeuto, afirmó que la querella de la Fiscalía "persigue persones, non delitos". Pa finar, aseguró que va aceptar los resultaos del 21 d'avientu, fecha na que'l Gobiernu estatal convocó eleiciónes en Catalunya tres l'aplicación el vienres del artículu 155 de la Constitución, pero pidió al Executivu de Mariano Rajoy que faiga lo mesmo.