Pueyes Rock anima Villaviciosa esti vienres

El pueblín de Pueyes, nel conceyu de Villaviciosa, vive la invasión esti vienres de los sones más duros cola celebración d'un festival con ocho grupos de lo más contundente.

Ésta ye una nueva edición del festival Pueyes Rock que se celebra esti vienres 23 a partir de les 20:30 hores nesti pueblu que s'asitia na redolada del Monesteriu de Valdediós. La entrada, que ye de baldre, va sirvir pa ver a bandes como La Tarrancha, Skama la Rede, con discu nuevu acabante salir, Sikarios, Desorden, Kuarentena, Kema Guaje, Ásperos, y dende Euskal Herria l'aportación foriata de Kaskarreko. La organización quier dar anuncia tamién de que va haber zona d'acampada llibre y un serviciu d'autobuses dende La Villa.