Publicistes contra multinacionales

ún de los sitios más prestosos de visitar na rede sí nos presta ver diseños guapos ye'l de AdBusters, un sitiu calteníu por un garrapiellu de publicistes y diseñadores canadienses de primer nivel que, fartucos yá de la propaganda agresivo y con poca ética que gasten bien de multinacionales, respuenden faciendo contracampañes publicitaries y falsos anuncios nos que denuncien el consumismu xabaz al qu'empobinen al gran públicu estes empreses. Dacuando, AdBusters tamién convoca acciones reales de protesta, como'l "Día de nun mercar res" o la "Selmana ensin televisión". De unos añucos p'acá, AdBusters convoca'l "April Fool's Day" una fiesta de países anglosaxones que se celebra cada ún d'abril y qu'ellos convierten nuna xornada de denuncia. L'añu pasáu, llevaron a dellos grupos a tirar billetes nes grandes superficies del Canadá y los EEXX, y pa esti proponen tirá-yos tartes de merengue a líderes políticos y empresariales Recomendamos la visita al so web, nel que guarden un estoyu de campañes vieyes como esta contra la dictadura de la moda.

Contador Estadistiques