PSOE y IU van poder pautar n’Andalucía tres el trunfu insuficiente d’Arenas

El PP ganó les eleiciones andaluces al sumar 50 diputaos (40,66 por cientu), una cantidá que, sicasí, nun permite a Javier Arenas conseguir el Gobiernu d’Andalucía. PSOE, con 47 escaños (39,52 por cientu), y Izquierda Unida, con 12 (11,31 por cientu), podríen pautar pa gobernar.
 
Esti trunfu del PP pue considerase históricu nesti país tres trés décades de supremacía socialista. Los populares sumaron trés escaños más que nel 2008, mentes que’l PSOE perdió nueve parllamentarios. Pela so parte, la coalición d’izquierdes dobla representación al pasar de tener seis asientos na Junta de Andalucía a contar con doce.
 
La cuarta fuercia más votada foi UPyD, con un 3,35 por cientu del total, seguida del Partido Andalucista (2,50 por cientu). Equo tuvo que conformase con sumar el 0,53 por cientu del total de votos rexistraos. La participación foi del 62,23 por cientu, diez puntos menos qu'hai cuatro años (72,67 por cientu).