Proyéutase un documental sobre los emigrantes en Tampa

|

Llámase 'Un legado de humo' y cuenta la historia de la comunidá asturiana nesta población de la costa oeste de Florida.

Dirixíu nel 2014 por Luis Argeo y James Fernández, céntrase na amplia colonia asturiana esistente en Tampa, emigrantes que trabayaron mayoritariamente na industria tabaquera del llugar. El filme resalta los vibrantes años de dicha comunidá, formada a últimos del sieglu XIX y que llegaría al so cénit de compenetración, solidaridá y compromisu frente a la Guerra Civil, conflictu qu'acabaría colos sos suaños de tornar a casa de munchos emigrantes.

A lo llargo del documental pue vese una película vieya proyeutada nel teatru del Centru Asturianu en Tampa, una gran recintu que destaca ente les edificaciones que tán fuera de la 'city' d'esta población importante asitiada na costa oeste de Florida. Mientres, los asistentes intenten identificar rostros qu'apaecen nuna manifestación de protesta contra la guerra celebrada nel 1937.

La proyeición va tener llugar esta tarde, a les 20 hores nel Valey Centru Cultural de Castrillón, con entrada a 3 euros.

 

Contador Estadistiques