Protesta contra'l pieslle d'aules nos pueblos

La Federación Asturiana de Parroquies Rurales reaccionó énte la decisión de la Conseyería d'Educación de meter tixera nes aules de la escuela rural. Un total de 65 aules en 38 escueles son les que puen desapaecer pal cursu qu'entra, y, de ser asina, la Federación atalanta que pue acelerase la despoblación del campu al faltar un serviciu básicu p'afitar población como ye l'accesu a la educación. La decisión de la Conseyería afecta a un total d'ente 600 a 700 alumnos. La Federación nun descarta entamar movilizaciones de protesta.