Protagonismu asturianu nos conciertos de la Selmana Negra

La Selmana Negra de Xixón qu'entama esti vienres día 9 trai tolos años una bona programación de conciertos, rescamplando qu'ente les actuaciones d'anguaño cuéntense bien de conciertos de grupos asturianos.

L'escenariu central d'esti eventu festivu va acoyer tolos díes a les 23:00 hores una actuación musical. Ellí van actuar formaciones como la orquesta cubana "NG La Banda" (9 xunetu), los americanos "The Long Riders" (10 xunetu), la cantautora "Bebe" (15 xunetu) contando cola collaboración de Carlos Jean productor del so últimu discu, la banda de rock "Los Lunáticos" (16 xunetu) y la "La Orquesta Nacional de Barbés" (17 xunetu), franceses pero que practiquen un estilu musical de raigañu africanu.

Les actuaciones musicales de los grupos asturianos van ser los díes 11, 12 ,13 ,14 de xunetu, toos a les 23:00 nel escenariu central. El domingu día 11 va actuar Xuacu Amieva pa facer sonar el so "Al son del Fueu", y el llunes vien el rock revindicativu de "Dixebra", mientrs que'l martes ye la hora del post-rock con "Manta Ray", banda que por cierto ta empezando a trabayar yá nun nuevu discu. P'acabar coles actuaciones musicales asturianes tenemos el miércoles a la Orquesta de Cámara del Nalón, col director Manuel Paz.