Les propuestes d'Iglesias convencen a los siguidores de Podemos

|

Pablo Iglesias afita'l so lideralgu en Podemos. Les sos propuestes recibieron l'apoyu del 80,71 por cientu de los siguidores de la formación, que va furrular con un únicu secretariu xeneral.

De los 112.070 votos rexistraos, un total de 90.451 foron pa 'Claro que podemos', l'equipu d'Iglesias. Namái la propuesta organizativa liderada por Pablo Echenique, qu'apostaba por trés secretarios xenerales, xeneró una corriente d'apoyu, anque mui insuficiente, sumando 13.864 votos (un 12,37 por cientu). D'esta forma, Podemos va funcionar con un únicu secretariu xeneral y un núcleu de direición formáu por persones escoyíes por ésti. Otres figures van ser el Conseyu Ciududanu, nel que van tar presentes los representantes de los territorios del Estáu, y l'Asamblea Ciudadana, encargada d'aprobar los asuntos más importante pa la formación, como la escoyeta del líder.

Ente'l 10 y el 14 de payares va abrise un procesu nuevu pa la eleición del secretariu xeneral de Podemos ente tolos candidatos que se presenten. El día 15 van dase los resultaos definitivos.

Contador Estadistiques