Prohíbese la caza menor d'aves hasta'l vienres

|
Prohíbese la caza menor d'aves hasta'l vienres

Con motivu del temporal pa protexer a les especies que s'abelluguen na mariña.

La Conseyería d'Infraestructures, Ordenación del Territoriu y Mediu Ambiente suspendió dende ayeri y hasta'l vienres la caza menor d'aves poles condiciones meteorolóxiques actuales. Con motivu de la ivernada que comenzó'l xueves, numberoses especies d'aves moviéronse de forma masiva a les zones costeres de la franxa cantábrica y, sobre manera d'Asturies, en busca d'abellugu.

La prohibición xustifícase porque les carauterístiques del desplazamientu amenorguen les facultaes normales de defensa d'estes especies. La Llei 2/1989, del 6 de xunu, de Caza, y el decretu 24/1991, del 7 de febreru, pol que s'aprueba'l reglamentu que lu desenvuelve, recueyen la posibilidá de prohibir la caza en diches circunstancies y cumplir asina col interés xeneral de facilitar la so recuperación.

Contador Estadistiques