Principia un cursu de gallego-asturiano n’Uviéu

|

L’Asociación Mezá entama un cursu básicu de gallego-asturiano n’Uviéu, que va principiar el xueves. Va tener un llargor de 16 hores y el plazu de matrícula va continuar abiertu depués del aniciu de les clases.

“El curso ten el fin d'acercar á xente del Navia-Eo que vive nel centro d'Asturias á súa llingua y d'aveirar a os que nun son falantes de gallego-asturiano á realidá llingüística del occidente máis estremo del país. Tamén, ha a servir pr’aquellas personas que desíen perfeccionar el sou conocimento sobre esta variedá llingüística”, espliquen dende l’Asociación Mezá. Les clases van presentase mañana, a les 19 hores, nel llocal Cambalache, y van dividise en ocho sesiones de dos hores, un día a la selmana.

El preciu de matrícula ye de 20 euros, cantidá qu’inclúi tolos materiales, y la xente interesao ha d’unviar los sos datos –nome y apellíos,  DNI, direición de corréu electrónicu y númberu de teléfonu– a mezabual@gmail.com o llamar al 686.757.797 p’acutar plaza. L’Asociación Mezá entregará a tolos alumnos que completen el cursu un diploma mediante el que s'acredita de manera estraoficial l’asistencia a les clases.

Contador Estadistiques