Prieto va falar en Villaviciosa con llectores sobre 'Güelu Ismail'

Esta obra foi la ganadora del XXII Premiu Xosefa Xovellanos de novela.

Los alcuentros con autores de los Talleres de Llectura n'Asturianu qu'entama en Villaviciosa'l Serviciu de Normalización Llingüística 'Comarca de la Sidra' viven esta tarde una sesión nueva. La convidada nesta ocasión ye Esther Prieto, escritora y responsable dende'l 2012 d'Ediciones Trabe xunto con Samuel Castro, que va falar colos presentes sobre'l so llibru 'Güelu Ismail'.

Esta historia resultó merecedora del prestixosu Premiu Xosefa Xovellanos, qu'entrega la Conseyería d'Educación y Cultura dientro de los nomaos Premios Lliterarios, correspondiente al añu 2001, ex aequo con 'L’arna de San Atanás' de Pablo Rodríguez Medina. La cita va ser a les 19 hores nel aula del segundu pisu del Centru Cultural Capistrano.